Keatsclinic foar de jeugd

Foar de Bloeiweek yn Jistrum dogge we it dit jier sportyf oan! Bist in echte sportfûgel of hast gewoan sin yn in middei fol aksje en wille? Kom dan nei de spesjale keatsclinic op it fuotbalfjild!

Under profesjonele beglieding meitsje we der in supermoaie en aktive middei fan.

• Foar wa: Elkenien fan groep 6 ôf
• Tiid: Soargje datst uterlik om 14:30 oere op it fjild stiest!
• Klean: Nim dyn sportklean en sportskuon mei

Goed om te witten:
Underfining is hielendal net nedich en ast dy foarôf opjaan wolst, dat hoecht ek net. Sjoch gewoan del en doch direkt mei!

Sjogge we dy om 14:30 oere op it fuotbalfjild? Nim dyn freonen en klasgenoaten mei!